Skip to content
0
ਬਡਰੁੱਖਾਂ (ਜਗਸੀਰ ਲੌਂਗੋਵਾਲ):ਅੱਜ ਲਾਇਨ ਕਲੱਬ ਸੰਗਰੂਰ ਗਰੇਟਰ ਵੱਲੋਂ ਮਾਨਵਤਾ ਦੀ ਭਲਾਈ ਨੂੰ ਸਮਰਪਿਤ ਪੰਜਵਾਂ ਰਲੀਵ ਦਾ ਹੰਗਰ ਪ੍ਰੋਜੈਕਟ ਲਾਇਨ ਜਸਪਾਲ ਸਿੰਘ ਰਤਨ ਦੀ ਪ੍ਰਧਾਨਗੀ ਵਿੱਚ ਡਾਕਟਰ ਨਰਿੰਦਰ ਸਿੰਘ ਬਿਰਧ ਆਸ਼ਰਮ ਬਡਰੁੱਖਾਂ ਵਿਖੇ ਲਗਾਇਆ ਗਿਆ ਜਿਸ ਤਹਿਤ ਉੱਥੇ ਰਹਿ ਰਹੇ ਲੱਗਭੱਗ 40 ਬਿਰਧ ਬਜੁੱਰਗਾਂ ਨੂੰ ਸਵੇਰ ਦਾ ਨਾਸਤਾ, ਲੱਡੂ ਅਤੇ ਕੇਲੇ ਵੰਡੇ ਗਏ । ਇਸ ਮੌਕੇ ਪ੍ਰੋਜੈਕਟ ਚੇਅਰਮੈਨ ਲਾਇਨ ਡਾਕਟਰ ਜਸਜੋਤ ਸਿੰਘ ਗਰਚਾ ਵੱਲੋਂ ਇਸ ਪ੍ਰੋਜੈਕਟ ਬਾਰੇ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਗਈ ਅਤੇ ਇਸ ਮੌਕੇ ਪਹੁੰਚੇ ਸਾਰੇ ਲਾਇਨ ਮੈਂਬਰਾਂ ਅਤੇ ਲਾਇਨ ਲੇਡੀਜ਼ ਦਾ ਧੰਨਵਾਦ ਕੀਤਾ ।ਕਲੱਬ ਦੇ ਸੀਨੀਅਰ ਮੈਂਬਰ ਐਮ.ਜੇ ਐਫ ਲਾਇਨ ਰਾਜ ਕੁਮਾਰ ਗੋਇਲ ਨੇ ਬੋਲਦਿਆਂ ਦੱਸਿਆ ਕਿ ਇਸ ਤਰ੍ਹਾਂ ਸਮਾਜ ਸੇਵਾ ਦੇ ਕਈ ਪ੍ਰਾਜੈਕਟ ਕਲੱਬ ਵੱਲੋਂ ਲਾਈਨ ਮੈਂਬਰਾਂ ਦੇ ਸਹਿਯੋਗ ਨਾਲ ਸਾਰਾ ਸਾਲ ਚਲਾਏ ਜਾਂਦੇ ਹਨ ਜਿਵੇਂ ਕਿ ਕਲੱਬ ਵੱਲੋਂ ਇਸ ਮਹੀਨੇ 14 ਨਵੰਬਰ ਨੂੰ ਸ਼ੂਗਰ ਦਾ ਫ੍ਰੀ ਚੈੱਕਅਪ ਕੈਂਪ ਲਗਾਇਆ ਜਾਵੇਗਾ ਅਤੇ ਸਾਲ ਵਿੱਚ ਇੱਕ ਮੈਗਾ ਆਈ ਚੈੱਕਅਪ ਅਤੇ ਆਪ੍ਰੇਸ਼ਨ ਕੈਂਪ ਲਗਾਇਆ ਜਾਂਦਾ ਹੈ ਅਤੇ ਹਰ ਮਹੀਨੇ ਇੱਕ ਦਿਨ ਜਰੂਰਤਮੰਦਾਂ ਨੂੰ ਭੋਜਨ ਤੇ ਫਲ ਵੀ ਵੰਡੇ ਜਾਂਦੇ ਹਨ। ਇਸ ਮੌਕੇ ਕਲੱਬ ਸਕੱਤਰ ਲਾਇਨ ਡਾਕਟਰ ਪ੍ਰਿਤਪਾਲ ਸਿੰਘ ਲਾਇਨ ਚਮਨ ਸਦਾਨਾ ਲਾਇਨ ਹੈਪੀ ਗੋਇਲ ਲਾਇਨ ਸੱਤਪਾਲ ਲਵਲੀ ਲਾਇਨ ਮੁਕੇਸ਼ ਸ਼ਰਮਾ ਲਾਇਨ ਵਿਸ਼ਾਲ ਛਾਬੜਾ ,ਲਾਇਨ ਸ਼ਿਵ ਕੁਮਾਰ ਜਿੰਦਲ,ਲਾਇਨ ਜਸਪਾਲ ਸਿੰਘ ਰਾਣਾ , ਲਾਇਨ ਲੇਡੀ ਰਾਜਵਿੰਦਰ ਕੌਰ ਅਤੇ ਲਾਇਨ ਲੇਡੀ ਰੀਨਾ ਗੋਇਲ ਹਾਜਰ ਸਨ ।
About Post Author
